التخطي إلى المحتوى الرئيسي
بحث هذه المدونة الإلكترونية
كنت محتاجها فوقت هي باعتني فيه
فاتولد جوايا حزن حرق الدفتر بال فيه
سيبت حياتي طلبت مماتي فاتحققلي جزء ليه
هو ايه
احتياجي ليها كان ضروري
كنت محتاج الأمان كنت شايفها هي نوري
كان كلامي ليها حقيقي
مع كل كلمه رسمت طريقي
بس هي سبتني ليه
هو ايه
مطلبتش منها المستحيل
كان كلامي كلو ميل
كل كلمه قولتها كانت بترسملي سبيل
مطلبتش منك مستحيل
طب وليه
قولي بس سبتني ليه
هو ايه
كل نظره عين مبينا تعترفلك بال كان
كل لمسه ايد رمتني جوا أحضان الأمان
كل كلمه حب صادقه قولتهالك من زمان
كل دا كان حلم فارغ
طب وليه
لما أحلامي تطيش
كان لبن أصبح حشيش
هو ايه
كلو وهم حقيقته سهم
ارمي فوق تلاقى الفهم
مش محتاجها
مش هقول فراقها مش رايحني
كل لحظه كدب معاها كانت سكاكينها بتدبحني
مش محتاجها
كل حاجه بينا مش حقيقه
كل مكان جمعنا كان ف ضيقه
كل كلمه قولتهالك
كل لمسه لمستهالك
كل حاجه
كلو وهم
وانتي كان معاكي السهم
كلو وهم
كنت شايف الحقيقه
كنت حاسك مية طريقة
كنت موهوم بالحنان
والالم جوا الشجن أصبح لجام
أوهام حياتك مش تمام
وكله وهم
كنت فاكرك إرهاصات للي جاي واللي فات
كنت عايشك مية حقيقه
كنت فاهمك بالطريقه
كنت حاسس فيكي ملجأ
حضن دافئ وحكايات
طب وليه
قولي بس سبتني ليه
بس هي مش حبيبتي
هي كانت كل حاجه
كل حضن احتاجته يوم
كل أفكار الحنان
كل احاسيس الشجن
كل أحلامي ف صورتها
كل أقلامي بترسم صوره قضيتها في حياتها
كل دا مالوش وجود
كله مات
كله أحلام ف ال فات
أصله حبه ذكريات
طب وليه
كنت باكدب كل يوم
كل لحظه وكل ثانية
كل كلمه قولتها كنت باهرب م الهموم
ممكن أطلب منك انتي من النهارده فرصه تانيه
لا ليه
أصلي خائن
يعني ايه
يعني ايه بكدب يومياتي
عن حاجات مش مكتوبالنا
عن حياتنا عن عيالنا
يعني خائن
مش صريح
يعنى دباح للبراءه للنعومة للشجن
يعنى دوقتك حبيبتى كل أنواع الألم
يعنى خاين
مش صريح
يستحق جدور رقابته تنكسر
فيموت وعايش جوا اسراب الألم
تحت البلاط جوا القبور كان هو ساكن
لمحة البنت البريئة كل يوم تقتل دموعه
فتنسكب
يقدر يقول بعد الكلام أميال وجع
و اهات دموعه الميته عيشه فى أنين العشق
فى نغم الناى بتهمسله بأنه جبان
وقتله حنان
وجاله فى ليله مربوعة
صبابة عشق ممنوعة
على الجدران
بتهمسله بألوان الكمان
وترسمله بصوتها على الجدار ألحان
وشاف اللحن سمع الرسمه يتغنى كما الإنسان
فتاه جو السطور عارف طريقه منين
وراح يسأل على أصل الكلام ده فين ____________________________________________________
قاله منادى الحب
يا ابنى العشق زى السهم قاتل ناس كتير
ولو منك ابعد بعيد عنه واطير
وسلام عليك يا ابنى نايم مع العصافير .
😂😂😂😂😂😂😂😂😂😂😂😂😂😂😂😂😂😂😂😂😂😂😂
تعليقات
إرسال تعليق