ولسه عايز بعدها تقولى أعيش ، اسكت مفيش ؛ غير السكوت يبقا سبيل للى انكوا ، واحنا سوا ؛ عايشين ثبات تحت الآهات ، كل الألم يصرخ جراح ؛ عايز براح ، نفسه يخرجنى فى هوا ، واحنا سوا ؛ عايشين حنين ، وسط السنين ، تخرج من القبر بكفالة حبنا فأموت أنا ، وتعيش حياتك فى الهوا وسط البراح مليان دوا ، لكل مجروح انكوا ، نارك شفا ، وبردك شفا ، الكل شافك قال دفا .
وأنت عارف يعنى ايه الوجع الدفين !
شوفت دفن حبيب يوميها بعد أحلامه فى طين .
هى دى أخرتنا يعنى ... كلنا من طين لطين ، ولا فيه موضوع دفين ، تفتحه ؛ ننبش القبر الحزين ، نعلى بيه فوق السنين ، نسمع طنين ، ونعيش حنين ، من غير وجع ، من غير جراح ، جوا البراح فيه حبنا ، من غير وجع .
تعليقات
إرسال تعليق